SENGEREMA FM

WANANCHI WABORESHA HUDUMA ZA MAJI Wananchi   wa    Kitongoji  cha  Kanyamwanza  kata  ya Mwabaluhi  wilaya ya sengerema mkoani mwanza  wamepongezwa       kwa  juhudi     za   kuboresha huduma ya maji  kwa kuvuta mabomba ya maji   katika  kitongoji    chao.  Pongezo hizo   zimetolewa  na     mwenyekiti wa kitongoji cha kanyamwanza bwana INNOCENT SEGEREDI  wakati  akizungumza  na  wananchi wake katika mkutano wa hadhara uliofanyika katika kitongoji hicho  ambapo   amewambia wananchi wake hawana budi kujipongeza kwa juhudi walizozifanya za kusogeza maji  karibu na makazi yao. Bwana INNOCENT amewaasa wananchi wake wanaohitaji kuvuta maji waweze kuchangia kiasi cha fedha walichokubaliana katika mitaa yao ili waweze kupata maji na wasitegemee  kula  kwa   nguvu za   wenzao. Pamoja na hayo mwenyekiti huyo  amewaomba wakazi  wa eneo hilo   waendelee kuyatunza mazingira yanayowazunguka hasa kwa kipindi hiki cha mvua. NA  ENOCK  MAKALA

WAFANYAUSAFI WASITISHA MGOMO WAO WALIPWA STAHIKI ZAO SENGEREMA Hatimae   vizimba vya taka vilivyokuwa vimejaa  kwa zaidi ya wiki mbili bila kuondolewa  taka  na kusababisha   kero kwa wakazi wa mji wa sengerema,vimeanza kuondolewa baada ya wahusika kumaliza mgomo wao. Akizungumza na Radio sengerema meneja wa kampuni ya   Stumarcot    Company Limited Bwn CHARLES NGAIZA, amesema,uchafu ulikuwa umejaa    kutokana na mgomo wa wafanyakazi wa kampuni hiyo. Aidha Bwn NGAIZA ameongeza kuwa,toka tarehe moja mwezi huu, wafanyakazi walikuwa  wamegoma    na kusababisha mlundikano wa taka katika vizimba vyote vya mji wa sengerema. Sanjari na hayo   kiongozi   huyo    amesema,watatumia wiki moja kuhakikisha wanamaliza kuondoa uchafu huo, na kwa sasa wameanzia   madampo  yaliyopo  katikati mwa mji wa sengerema hususani maeneo ya kituo cha mabasi  sengerema, Na Michael Mgozi

MWENYEKITI ATOA ELIMU YA VITAMBULISHO VYA NIDA Mwenyekiti  wa kitongoji cha kanyamwanza kata ya mwabuluhi wilaya ya sengerema mkoani  mwanza bwana Innocent Segeredi ametoa elimu juu ya uandikishaji wa vitambulisho vya uraia (NIDA). Akizungumza katika mkutano wa hadhara uliofanyika katika kitongoji hicho   bwana Segeredi amewafafanulia kwa undani juu ya kitambulisho cha uraia na kuwaelezea jinsi gani ya kujaza fomu ya maombi ya utambulisho. Aidha mwenyekiti huyo amewataka wananchi waendelee kutunza mazingira kwa kufanya usafi katika mazingira yao hasa kipindi hiki cha mvua. Pamoja   na  hayo   Bwana Segeredi    amewaomba   wananchi  wa   mtaa   wake   kutii    suala   hilo   la  kujiandikisha  kwani   vitambulisho   vya   uraia  ni  muhimu.    Na Enock Makala

WAFANYA USAFI WAGOMA MJINI SENGEREMA Wafanyausafi    mjini    Sengerema wamegoma   kuendelea kufanya usafi kwa   takribani   wiki   mbili  sasa kutokana   na  kutolipwa stahiki zao kwa muda mrefu. Wafanyausafi     hao   wamedai   kuwa   kumekuwa  na   tatizo   la   kutopewa   mishahara   yao   kwa   wakati   hali   ambayo   imekuwa   ikikwamisha   zoezi   zima   la  usafishaji   wa   mji   kwa   wakati. Akijibu madai hayo Meneja   wa   kampuni   ya   Stumarcot     Company    Limited  amekiri   kuwepo   kwa   hali   hiyo   na  kuongeza   kuwa   madai   ya   mishahara   kwa   wafanyausafi   hao yamechukuwa   muda   mrefu na kwamba suala hilo wameanza kulitatua. Aidha   tatizo   hilo   la   ktolipwa stahiki zao   kwa   wakati   limesababisha   wafanyausafi   kukata   tamaa  kuendelea   na   kazi   hiyo   kwa  kuhofia kukosa  maslahi yao. Na Thobias Ngubila

WITO WA JAMII Wazazi wametakiwa kuwalea watoto kiroho na kimwili ili wawe na tabia njema ya kumpendeza mwenyezi mungu katika maisha yao. Wito huo umetolewa na mchungaji wa kanisa la Africa inland church of Tanzania (A.I.C.T) Pastoreti ya Nyamililo Kata ya kasungamile wilayani Sengerema mkoani Mwanza Mchungaji Adamu Loke Mabindo kwenye sherehe ya kukabidhi biblia na vyeti kwa watoto waliohitimu mafunzo ya neno la mungu. Mchungaji Mabindo amesema msingi imara wa maisha kwa watoto ni kuwafundisha neno la mungu ili wamjue mungu na kisha elimu ya dunia ambayo itawasaidia kimwili. Aidha mchungaji huyo ameyashukuru mashirika yasiyo ya kiserikali ya Mwanza children Action Network na shirika la samalatans Purse kitengo cha O.C.C kwa kutoa biblia na vyeti kwa watoto. Mchungaji Mabindo  ameahidi kuendelea kushirikiana mashirika hayo ili kuboresha darasa la watoto. Mchungaji amewaomba wananchi kuungana kwa pamoja katika malezi ya watoto kwakuwa jukumu la kuwalea watoto katika

MKUU WA SHULE ALIYEJINYONGA AZIKWA Mwili wa aliyekuwa  mkuu wa shule ya Sekondari Migukulama iliyopo katika kata ya Nyanzenda Halmashauri ya Buchosa wilayani Sengerema hatimaye umezikwa nyumbani kwao katika kata ya Kasisa halmashauri ya Buchosa. Mazishi hayo yameongozwa na Mkurugezi Mtendaji wa halmashauri ya Buchosa Bwana Crispin Luanda ambaye amewakilishwa na Afisa elimu shule za Msingi Bi, Magreti Kapolesya. Bi. Kapolesya akitoa salamu za rambirambi kwa wana  familia na wanachi wa kijiji hicho amesema serikali  imepoteza nguvu kazi  kwani bado umli wake ulihitajika kulitumikia taifa Ikumbukwe kuwa  mkuu wa shule ya sekondari Migukulama  Benedictor Rweikiza (45) Octoba 9 mwaka huu alikutwa akiwa amefariki dunia  kwakujinyonga kwa kutumia kamba nyumbani kwake katika mtaa wa kilabela kata ya Nyatukala wilayani Sengerema.  Mazishi hayo yamehudhuriwa na viongozi mbalimbali wakiwemo watumishi wa halmashauri ya Buchosa,Mbunge wa jimbo la Buchosa,wakuu wa shule jirani madiwani

UCHAFUZI KANDO KANDO MWA ZIWA VICTORIA Wananchi wa Kijiji cha Nyakaliro Kata ya Nyakaliro Halimashauri ya Buchosa Wilayani Sengerema mkoani Mwanza wametakiwa kuacha kukata miti kandokando mwa ziwa victoria ili kulinda mazalia ya samaki,na kuepusha mmomonyoko wa udongo unaoweza kujitokeza. Hayo yamebainishwa na Kaimu Afisa Mtendaji wa Kijiji cha Nyakaliro Bwn MAGAKA SITTA,wakati akizungumza na waandishi wa habari ofsini kwake. Bwn SITTA Amesema kuwa ,wakati mwingine samaki huzalia kandokando ya ziwa,wanapokata miti na sehemu hiyo kubaki wazi, hali hiyo huchangia kuondoa viumbe hai wanaokuwa na makazi katika maeneo hayo. Hata hivyo  ameongeza kuwa zipo sheria ndogondogo walizo weka ili kulinda vyanzo vya maji pamoja na uhifadhi wa mazingira kandokando mwa vyanzo vya maji na ziwa kwa ujumla. misitu. Na Michael Mgozi

MADEREVA WANAOBEBA MISHIKAKI KUKIONA CHA MOTO kikosi cha usalama barabarani     kimewatangazia    vita   madereva  wanaobeba abiria zaidi ya mmoja  hususani  wanaosafirisha abiria      kwenda     vijijini. Vita hiyo imetangazwa na    mkuu wa kitengo cha   usalama barabarani Inspector Hamis Wembo   wakati alipokuwa akiongea  na  Radio  Sengerema  amesema  kwa maeneo  ya vijijini  wameelekeza majeshi ili kuhakikisha   badereva  ambao hawatii sheria bila shuruti  wanakamatwa na kufikishwa mahakamani.   Inspector Hamis Wembo   ameeleza mikakati ambayo kikosi cha usalama barabarani watakayoitumia ili kuakikisha wanawakamata waendesha bodaboda ambao watakaobeba abiria zaidi ya mmoja.  Katika hatua nyingine Inspector wembo   amewaomba madereva kuzingatia uvaaji wa kofia ngumu    kwa  abiria  kwani  ni kwaajiri ya usalama wa maisha yao. Na Said Mahera

NYAVU 78 ZAKAMATWA HALMASHAURI YA BUCHOSA Jumla ya nyavu haramu 78 zenye thamani ya sh.milion tatu laki moja na ishirini zimekamatwa katika kata ya Bulyaheke wilayani Sengerema Mkoani Mwanza. Zoezi la kukamata nyavu hizo limeongozwa na Afisa Mtendaji wa kata ya Bulyaheke Mussa Mwilomba kwa kushirikiana na wananchi. Hata hivyo Afisa Mtendaji amesema walipata taarifa kutoka kwa raia wema ndipo waliopoanza msako  katika kijiji cha Mbungani eneo la Chiloloma ndipo walifanikiwa kukamata nyavu 78  katika eneo hilo. Aidha ametoa rai kwa wananchi kuendelea kushirikiana kwa pamoja ili kukomesha uvuvi haramu Na Deborah Maisa

WANANCHI WAJITOLEA KUKARABATI BARABARA ZA MITAA Wananchi wa mtaa wa  Kilabela  kata  ya  Mwabaluhi  wilayani  Sengerema mkoani  Mwanza,   wameamua kushirikiana kwa pamoja kukarabati barabara za mtaa huo ili kupunguza adha wanayoipata wakati kusafirisha mazao pamoja na wagonjwa. Wananchi hao wameeleza kuwa ushirikiano huo  umesaidia   kuwepo  kwa  barabara  za  kutosha zinazopitika kwa urahisi hali ambayo wameeleza kuwa inasaidia kuongeza maendeleo katika mtaa huo. Akizungumza  na  Radio  Sengerema   ofisini  kwake ,  Mwenyekiti  wa mtaa  huo   bw,  Samweli  Macheni  Nzungu  amesema   wananchi wake wanaonyesha mshikamano   mzuri  wa shughuli mbali mbali za kimaendeleo. Sanjari   na  hayo  bw,  Nzungu    amewasihi wananchi kuendelea kutoa ushirikiano ili wasonge mbele zaidi. Na Thobias Ngubila

UVAMIZI  WAFANYIKA SENGEREMA                       Kutokana na Kudhibitiwa  vikali   matukio  mbalimbali  ya uporaji  wilayani  Sengerema  Mkoani  Mwanza, kwa  sasa yameibuka tena  kwa   sura mpya katika  kata ya  Mwabaluhi kitongoji cha Kanyamwanza  wilayani  Sengerema, baada ya kuvamiwa   familia ya Mzee Joseph Maganga na kuiba vitu mbalimbali. Tukio hilo limetokea katika eneo hilo  ambapo watu wanaosadikiwa  kuwa ni  majambazi hao wamefanikiwa kupora  vitu ikiwemo frati  skilini  1 Deki 1 na simu 3 za mkononi  vyenye Thamani ya  shilingi     milioni moja na laki nne na nusu, na kutokomea navyo kusikojulikana . Imeelezwa  kuwa  watu hao    wametumia ufunguo   maarufu kama masta kii  kufunguwa mlango wa geti  na baada ya  kufungua geti hilo   wakapiga fatuma mlango wa ndani na kufunguka ndipo walipoingia na kuanza zoezi la upekuzi na kubeba  mali hizo. Kwaupande wake mwenye kiti wa mtaa wa eneo la  Kanyamwanza kulikofanyika wizi huo  Bw,Peter Mlashani, amethibitisha kut

WANANCHI WAJENGEWA DARAJA Wananchi  wamepongeza juhudi za serikali kwa  kujenga daraja la Bulunga  katika kijiji cha Nyamililo kata ya Kasungamile wilayani Sengerema  na kumaliza kero ya muda mrefu ya kuvuka mto huo. Wakizungumza na Radio  Sengerema  kijijini  hapo wamesema pamoja na  pongezi  hizo  wameitaka Serikali kuboresha miundo mbinu ya barabara hiyo  kutoka  Nyamililo kwenda Bulunga ambalo ni bovu  na halipitiki. Naye Diwani wa kata ya Kasungamile mh: Julias Ndekeja amewataka wananchi kuwa wavumilivu wakati serikali ikijiandaa kukarabati barabara hiyo. Kukamilika kwa daraja la Nyamililo kwenda Bulunga kumewafanya wananchi kuwa na matumaini makubwa na juhudi za serikali katika utekelezaji wa ahadi zake. Na Charles Sungura

KAMPENI YA PAZA   SAUTI ABIRIA YAFANIKIWA KWA ASILIMIA 75 Abiria    wametakiwa   kupaza   sauti  pindi   wanapoona  dereva   amekwenda   kinyume   na   sheria   za   usalama   barabarani   na  siyo  kulalamika  bila  kuchukua  hatua ili kuepuka  kuhatarisha   maisha  yao.  Kauli  hiyo  imetolewa  na   Mratibu wa elimu kwa umma kitengo cha usalama barabarani   Wilayani   Sengerema   Coplo Echikaka  Mbozi   wakati akichangia  maoni    katika  kipindi  cha  Pambazuko   kilichokuwa   kikihoji   Kampeni   ya   pasa  sauti abiria imefanikiwa kwa kiasi gani? Akijibu hoja hiyo  Coplo Echikaka  Mbozi amesema kampeni hiyo imefanikiwa kwa asilimia  75   nchini  na kuwataka abiria watoe taarifa kwa jeshi la polisi kitengo cha usalama barabarani pale wanapoona  dereva amekwenda kinyume na sheria za usalama barabarani kwani kulalamika hakutawasaidia .  Na Emmanuel Twimanye    

WANAFUNZI  2,262VYUMBA  VYA  MADARASA  SITA   SHULE YA MSINGI MNADANI. Kutokana na kuwepo kwa changamoto  ya uhaba   wa  vyumba  vya  madarasa  katika shule ya msingi  mnadani  iliyopo  kata ya Nyampulukano  wilayani  sengerema    tatizo hilo  limeanza    kupatiwa  ufumbuzi . Hayo  yamebainishwa  na  Afisa  mtendaji  wa kata  ya Nyampulukano  BI.   SOPHIA  MANYILIZU  na kusema   kuwa shule  ya  msingi  mnadani  ina jumla  ya  wanafunzi  2262 huku  ikiwa  na vyumba  vya  madasa  sita   hali  ambayo  inapelekea  baadhi ya  wanafunzi kushindwa  kufanya  vizuri katika  masomo  yao. Hata   hivyo   diwani  wa  kata   ya  Nyampulukano   Mh,Emmanuel  Zacharia  Mnwanizi    amesema  wanahitaji   kuongeza  madarasa   manne  ili  kupunguza adha  iliyopo  ya  uhaba  wa  vyumba  vya madarasa  katika  shule  hiyo. Aidha  diwani  mnwanizi  amewaomba  wadau  mbalimbali  kujitolea  nguvu  zao   ili   kuhakikisha  kwamba  ujenzi  wa  vyumba  vya madarsa  unaanza  mara moja. Na Enosy

UTUNZAJI WA MAZINGIRA Jamii  imetakiwa kutunza mazingira kwa kuhakikisha kila kaya inakuwa na choo cha kudumu ili kuepusha uharibifu wa mazingira katika maeneo yao. Hayo yamesemwa na afisa afya wa kata ya Igalula Bwn;Emmanuel Saguda   katika kikao na wananchi wa kijiji cha Nyasigu kata ya Igalula wilayani Sengerema, ambapo amesema kumekuwepo na tabia ya baadhi watu kusubiria ukaguzi ndipo wanatengeneza vyoo vya muda ili kujikinga na ukaguzi huo. Kwa upande wake Diwani wa kata ya Igalula Mh, Onesmo Mussa Mashiri amewaomba wananchi wote kunzingatia yanayo semwa na wataalamu kwa kutunza mazingira.   Hata hivyo maeneo mengi  ya vijijini yamekuwa yakikabiliwa na changamoto ya ukataji miti ovyo, uhaba wa vyoo hivyo kupelekea wananchi kujisaidia vichakani jambo ambalo siyo salama kwa afya zao.

ANUSURIKA KIFO KISA PIKI PIKI           Mtu mmoja  aliyejulikana kwa  jina la Leila  Mangi    Mwenye umri  wa    miaka 19 mkazi wa Igogo Wilayani Sengerema     amenusurika kifo baada ya kugongwa na pikipiki    mjini  sengerema  Mkoani    Mwanza. Ajali hiyo imetokea  katika  barabara  iendayo Kamanga baada ya mwendesha Pikipiki  kupishana na gari aina ya fuso na kumgonga mtembea kwa miguu Leila Mangi    na kumsababishia majeraha katika sehemu mbalimbali za mwili wake. Akithibitisha kutokea kwa ajali   hiyo   Inspector Hamis Wembo  amewaomba waendesha vyombo vya moto kuzingatia sheria za barabarani ili kuepusha ajali zisizo kusudiwa. Jeshi la polisi limefika   eneo la tukio na kumchukua majeruhi  kisha  kumpeleka katika Hospitali teule ya wilaya ya Sengerema kwa   ajili ya kupatiwa matibabu. Na Said Mahera

ELIMU BURE ISIMAMIWE IPASAVYO Kutokana na serikali kutumia zaidi ya shillingi bilion 18 kugharamia  utekelezaji wa sera ya elimu bure viongozi wa ngazi ya kata katika halmashauri ya wilaya ya Sengerema wametakiwa kusimamia na kuhakikisha  wanafunzi wote waliohitmu elimu ya msingi   wanajiunga na    masomo ya sekondari  pindi watakapochaguliwa. Hayo yamesemwa na katibu  tawala wa wilaya ya Sengerema Bwn, Aron Laiza amesema serikali ngazi ya kata,kijiji inatakiwa  kusimamia wanafunzi watakaochaguliwa kujiunga na kidato cha kwanza. Pia ameongeza kuwa  kwa mzazi yeyote atakabainika kumzuia mtoto kwenda shule  hatua kali zitachukuliwa na viongozi dhidi yake. Hata hivyo utekelezaji wa sera ya elimu bure unalenga kutoa fursa ya elimu kwa watoto wote nchini ili kila mmoja aweze kupata haki yake ya msingi  ya   elimu. Na Deborah Maisa

HUDUMA YA  MAJI YAREJEA SENGEREMA Shangwe na  ndelemo  zimetawala  Kwa Wananchi Wilayani Sengerema baada ya kurejea huduma ya maji  iliyokuwa imekatika kwa takribani  wiki  mbili   sasa. Wakiongea na Radio Sengerema  wananchi hao wamesema  maji yameanza kutoka usiku wa kuanzia leo huku wakisema imekuwa shangwe kwao  kwani  walikuwa wakihofia kupatwa na magonjwa ya mlipuko   na kushukuru uongozi wa wilaya ya Sengerema kwa jitihada za kurejesha huduma hiyo muhimu. Hata hivyo pamoja na pongezi hizo wananchi hao wameomba uongozi wa halmashauri kuendelea kufuatilia deni hilo kama alivyosema  mkuu  wa  wilaya  Mh.Emmanuel Kipole ili katizo la maji   lisijirudie tena. Na Anna Elias

JAMII YATAKIWA KUIMALISHA ULINZI Jamii imetakiwa kuimalisha ulinzi katika maeneo yao ili kupambana na vitendo vya kihalifu vinavyoendelea kujitokeza katika maeneo mengi, kwani suala la ulinzi ni wajibu wa kila mtu. Taarifa  na  Mwandishi  wetu  MICHAEL MGOZI. Hayo yamebainishwa na Afisa mtendaji wa kata ya Ibisabageni Bwn,Adam  Salum  wakati akizungumza na Radio Sengerema Ofsini kwake. Bwn, Adam ameongeza kuwa jamii inapaswa kutambua suala la ulinzi na kulisimamia vyema,kwani ni wajibu wao kuwafichua wahalifu wanaoishi katika maeneo yao. Aidha Afisa Mtendaji huyo amewataka wanachi kuwabaini wahalifu mapema kabla hawajafanya uhalifu na kuacha tabia ya kusubiri tukio la kihalifu pindi linapotokea ndipo wanaanza kuimalisha ulinzi.  Na Michael Mgozi.

KATIZO LA MAJI LAWATESA WAKAZI WA SENGEREMA Emmanuel Kipole Kutokana na  kuwepo  kwa    tatizo  la  kukatika  kwa huduma ya   maji   mjini   Sengerema  kwa   takribani wiki mbili sasa bila taarifa yoyote kutoka mamlaka  husika  ya  maji,  Mkuu wa wilaya  ya Sengerema Mh,Emmanuel Kipole ametolea ufafanuzi wa kina   suala hilo . Akitilitolea ufafanuzi jambo hilo   mkuu wa  wilaya   ya Sengerema   ameiambia  Radio Sengerema   kuwa    tatizo hilo limetokana na deni waliokuwa wakidaiwa siku za nyuma na shirika la umeme Tanzania  (TANESCO)  zaidi ya milioni 200 hali iliyopekea kukatiwa umeme katika chanzo cha maji cha Nyamazugo. Mh,KIPOLE  Amesema juhudi  zinafanyika ili kutatua  tatizo hilo huku akiwaomba radhi   wananchi kwa adha wanayoipata ya ukosefu wa huduma  ya  maji.  Aidha amewaomba wananchi waendelee kulipa bili ya maji ili  kuepukana na usumbufu unaoweza kujitokeza.     Na Anna Elias