WATAKAO GOMEA NYUMBA ZAO KUPULIZIWA DAWA YA UKOKO KUKIONA CHA MOTO WILAYANI SENGEREMA

-


Mkuu wa Wilaya ya Sengerema Mkoani Mwanza Mh,Emmanuel    Kipole    ametangaza   vita  kali  kwa  wananchi   watakaogomea  zoezi  la   upuliziaji   dawa   ya   ukoko  majumbani mwao linalotarajiwa kuanza  Februari 14 hadi  Machi 13  mwaka  huu.
Mkuu  wa  Wilaya   ametoa  tamko  hilo  zito   wakati  akizindua  rasimi   zoezi hilo  muhimu  la upuliziaji  wa dawa ya ukoko majumbani   kwa  Mkoa  wa   Mwanza  mradi  unaotekelezwa  na Halmashauri tatu  za mkoa huo ambazo ni halmashauri ya Sengerema   , Buchosa  na Kwimba   ili  kuangamiza    mbu  wanaoeneza   vimelea   vya  maambukizi  ya  Malaria.


Ametaja   takwimu za  Malaria   za  mwaka 2016  katika  Mkoa wa Mwanza kwa halmashauri  hizo tatu    ambapo     Halmashauri ya  Wilaya  ya  Sengerema  imeonyesha kuwa na asilimia   10.1 ya maambukizi ya malaria ,    Halmashauri ya Buchosa  ni asilimia   12.7   huku     Halmashauri ya kwimba ikiwa na  asilimia 11.4    

 Mh, Kipole  amesema kuwa  kuna baadhi ya wananchi wamekuwa na  mitazamo potofu    kuwa  dawa  hizo zinasababisha kuleta wadudu aina ya kunguni  hivyo   ametupilia mbali madai hayo  na kusema kuwa  maneno hayo hayana ukweli ndani yake.

Katika  hatua nyingine   Mh,Kipole amewaagiza  viongozi wote wa halmashauri hizo tatu     kuhamasisha    na kusimamia zoezi hilo kwa weledi pamoja na  kamati zote  za Wilaya  za ulinzi na usalama kuanzia ngazi  za  wilaya kuhakikisha  hakuna upotevu  wowote  wa  mali za wananchi  na  kulinda usalama wa  viuatilifu hivyo kwani dawa hizo ni kwa ajili ya kuangamiza mbu na si vinginevyo.     

Mkuu wa wilaya amewaomba wananchi kutoa ushirikiano mkubwa katika zoezi hilo muhimu  huku akiishukuru wizara ya afya pamoja na wahisani kutoka nchini Marekani USAID  kwa kuwezesha zoezi hilo.
Zoezi la upuliziaji dawa ya ukoko majumbani      linatarajiwa  kuzifikia Jumla ya kaya laki mbili  ,ishirini na tatu elfu na mia tisa  na  tano  zilizopo katika halmashauri  tatu zinazotekeleza mradi huo ambazo ni Sengerema  , Buchosa na Kwimba.
Uzinduzi wa Zoezi hilo umefanyika katika ofisi ya mkuu wa wilaya  ya sengerema  .
Na, Emmanuel  Twimanye                    



Comments

Post a Comment

Popular posts from this blog

KISIWA CHA ZILAGULA KIPO HATARINI KUKUMBWA NA KIPINDUPINDU WILAYANI SENGEREMA

-
Image
Wakazi wa kisiwa cha Zilagula kilichopo katika kata ya Bulyaheke halmashauri ya Buchosa   wilayani Sengerema   wako hatarini kukumbwa na magonjwa ya mlipuko kama vile kipindupindu hususani katika msimu huu wa mvua zinazo endelea kunyesha. Wakizungumza na Radio Sengerema katika kisiwa hicho wamesema mazingira wanayoishi siyo salama kwa afya zao kutokana baadhi ya wakazi  wa eneo hilo kutokuwa na vyoo pamoja Nguruwe kuishi pembezoni mwa ziwa hali ambayo mvua zikinyesha uchafu wote hutiririshwa ziwani.                                                                           Kwa upande wake mwenyekiti wa kitongoji katika kisiwa hicho Abushilu Yasini amesema hali ya mazingira ni mbaya hivyo serikali ione umhimu wa kukabiliana na tatizo hilo. Hata hivyo baada ya jitihada za kuzungumza na Bwana Afya huyo kuwa za kukatisha tamaa, Radio Sengerema ikalazimika kumtafuta  mkurugenzi  wa halimashauri ya Buchosa Bwn, Crispin Luanda kwa njia ya simu na simu iliita bila mafanikio n
Soma zaidi.

WAJAWAZITO WAPEWA MWAROBAINI WA KUMUOKOA MTOTO ALIEKO TUMBONI DHIDI YA UGONJWA WA PEPOPUNDA

-
Akinamama     wajawazito wilayani Sengerema mkoani mwanza wameombwa kuanza mapema chanjo ya pepopunda   ili kumkinga mtoto alieko   tumboni   na   ugonjwa huo.      Hayo yamebainishwa na mtaalamu wa kitengo cha afya Mama,baba na mtoto katika Hospitali   Teule   ya   wilaya ya Sengerema   Bi, Aloycia Kyaluzi    wakati akiongea na Radio Sengerema amesema akinamama wajawazito wanatakiwa kuhudhuria   mapema     kwenye vituo vya afya        ili kupatiwa chanjo hiyo. Hata   hivyo   Kyaluzi         amewasisitiza               mabinti     kuhudhuria kwenye kituo cha afya   ili kupatiwa chanjo ya pepopunda. Sambamba na hayo mtaalamu huyo amewataka kumaliza dozi ya chanjo hiyo   ili   kumshambulia   mdudu   huyo. Na , BWIZA BONIPHACE  
Soma zaidi.
-
WASTANI WA BEI YA MAZAO                    HALMASHAURI YA SENGEREMA MKOANI MWANZA.              JAMII YA MAZAO JINA LA ZAO KIPIMO BEI NAFAKA Mahindi Debe 11,000 -12,000 Mchele Kilo 2,000 Mtama Debe 12,000 Mawele Debe 13,000 Ulezi Kilo 2,000 JAMII YA KUNDE Maharage Kilo 2,000 Kunde Kilo 2,000 Njugumawe Kilo 3,000 Choroko Kilo 2,000 Njegere Kilo 3,000 Dengu Kilo 3,000 MAZAO YA MIZIZI Viazi mviringo Kilo 1,000 Mihogo mibichi Fungu 1,000-2,000 Viazi vitamu Fungu 1,000-2,000 Mihogo mikavu  (Makopa/Udaga) Debe 10,000-11,000
Soma zaidi.